మీ డిజిటల్ Workspaceను సెటప్ చేయండి

Workspace ఓవర్‌వ్యూ

డిజిటల్ Workspace అనేది మీ స్కూల్ స్టాఫ్‌రూమ్ లాగానే పని చేస్తుంది, అయితే ఇది మీ కంప్యూటర్, స్మార్ట్‌ఫోన్ లేదా టాబ్లెట్‌లో సురక్షితంగా అందుబాటులో ఉంటుంది. సిలబస్ లేదా నోటీసు కోసం ప్రతి డెస్క్ దగ్గరకు వెళ్లాల్సిన అవసరం లేకుండా, డిజిటల్ ఎన్విరాన్‌మెంట్‌లో అన్నీ ఒకే చోట అందుబాటులో ఉంటాయి. ఈ స్పేస్‌ను సులువుగా ఉపయోగించేందుకు వీలుగా, మీ వర్క్‌ను సురక్షితంగా స్టోర్ చేయడానికి, రోజువారీ రొటీన్‌లను వేగవంతం చేయడానికి, మీ రోజువారీ టాస్క్‌లను హ్యాండిల్ చేయడానికి రూపొందించిన ప్రధాన టూల్స్ సూట్‌ను Google మీ కోసం అందిస్తుంది.

మీ డిజిటల్ వర్క్‌స్పేస్‌ను ఈ కేటగిరీల సాయంతో అర్థం చేసుకోండి:

కమ్యూనికేషన్

ఈ టూల్స్‌ను విద్యార్థులతో, తల్లిదండ్రులతో, ఫ్యాకల్టీతో కనెక్ట్ అవ్వడానికి ఉపయోగించవచ్చు.

• Gmail: ఒక ఈమెయిల్ సర్వీస్.

• Google Meet: మీరు వీడియో కాల్స్‌ను సెటప్ చేయగల ఒక వర్చువల్ ప్లాట్‌ఫామ్.

• Google Chat: ఒక మెసేజింగ్ టూల్.

• Google Calendar: మీ రోజువారీ టైమ్‌టేబుల్‌ను మేనేజ్ చేయడానికి ఒక సింపుల్ టూల్.

కంటెంట్ క్రియేషన్ & కొలాబరేషన్

యాక్టివిటీలు, అసైన్‌మెంట్‌ల వంటి కోర్సు కంటెంట్‌ను క్రియేట్ చేయడంలో, వాటిని ఇతరులకు షేర్ చేయడంలో ఈ టూల్స్ మీకు వీలు కల్పిస్తాయి.

• Google Docs: మీ డిజిటల్ నోట్‌బుక్.

• Google Sheets: మీ డిజిటల్ అటెండెన్స్, మార్కుల రిజిస్టర్.

• Google Slides: మీ డిజిటల్ బ్లాక్‌బోర్డ్.

అసెస్‌మెంట్ & డేటా ఆర్గనైజేషన్

• Google Forms: డిజిటల్ ఫీడ్‌బ్యాక్, క్విజ్ స్టేషన్.

క్లాస్ మేనేజ్‌మెంట్

డిజిటల్ క్లాస్‌రూమ్‌ను క్రియేట్ చేయడానికి, ఫైల్స్‌ను ఆర్గనైజ్ చేసుకోవడానికి ప్రధాన హబ్‌లు.

• Google Classroom: ఇది అసైన్‌మెంట్‌లను క్రియేట్ చేయడానికి, గ్రేడ్‌లు ఇవ్వడానికి, రిసోర్స్‌లను షేర్ చేయడానికి, విద్యార్థులు చేసిన వర్క్‌పై ఫీడ్‌బ్యాక్ ఇవ్వడానికి మీకు సహాయపడుతుంది.

• Google Drive: ఇది మీ డాక్యుమెంట్‌లు, ఫైల్స్ అన్నింటినీ స్టోర్ చేయడానికి, షేర్ చేయడానికి వీలు కల్పించే స్పేస్.

• Google Sites: ఇది వెబ్‌సైట్‌లను క్రియేట్ చేయడానికి వీలు కల్పిస్తుంది.

ఈ టూల్స్ అన్నీ మీకు మూడు విధాలుగా సహాయపడతాయి: కమ్యూనికేట్ చేయడానికి, కొలాబొరేట్ అవ్వడానికి, మీ విలువైన సమయాన్ని ఆదా చేసుకోవడానికి.

డెమో

మీ ఈమెయిల్ IDకి లాగిన్ అవ్వడం ఎలాగో చూద్దాం. లాగిన్ అవ్వడానికి మీ వ్యక్తిగత ఖాతాను లేదా మీ Workspace ఖాతాను ఉపయోగించవచ్చు. వ్యక్తిగత ఖాతాలు @gmail.comతో ముగుస్తాయి, అయితే మీ సంస్థ అందించిన అధికారిక Workspace ఖాతాలు అనుకూల డొమైన్‌ను ఉపయోగిస్తాయి (ఉదా., @institution.edu.in లేదా @institution.ac.in).

డెస్క్‌టాప్/ల్యాప్‌టాప్ కోసం

స్మార్ట్‌ఫోన్/టాబ్లెట్ కోసం

ప్రాక్టీస్

మీరు డెమో చూశారు కదా, ఇప్పుడు మనం కలిసి ఒకసారి క్విక్ "డిజిటల్ వర్క్‌స్పేస్ చెక్" చేద్దాం.

మీ వర్క్‌స్పేస్‌ను రోజువారీ వినియోగం కోసం పూర్తిగా సిద్ధం చేసుకోవడానికి మీ డివైజ్‌లో ఈ సులభమైన దశలను ఫాలో అవ్వండి:

డెస్క్‌టాప్/ల్యాప్‌టాప్ కోసం:

1. మీ ఖాతాకు లాగిన్ చేయండి

కంప్యూటర్‌లో మీ Google Chrome బ్రౌజర్‌ను తెరవండి. ఎగువున ఉన్న సెర్చ్ బార్‌కు వెళ్లి, google.com అని టైప్ చేసి, మూలన నీలి రంగులో ఉన్న సైన్-ఇన్ చేయండి అనే బటన్‌ను క్లిక్ చేయండి. మీ వ్యక్తిగత లేదా సంస్థ అందించిన ఈమెయిల్ అడ్రస్‌ను, పాస్‌వర్డ్‌ను టైప్ చేయండి.

మీ స్క్రీన్‌ను చెక్ చేయండి: ఎగువ కుడి మూలన చూడండి. మీ ఖాతా పేరులోని మొదటి అక్షరం లేదా ప్రొఫైల్ ఫోటో మీకు కనిపిస్తున్నాయా? అవునంటే, మీరు అధికారికంగా లాగిన్ అయినట్లే!

Google Workspace ఖాతాకు సంబంధించి అదనపు దశ: బ్రౌజర్ ప్రొఫైల్స్‌ను మార్చడం

మీరు ల్యాప్‌టాప్‌ను లేదా డెస్క్‌టాప్ కంప్యూటర్‌ను ఉపయోగిస్తుంటే, మీ స్క్రీన్‌కు కుడి వైపున ఎగువ అంచున చూడండి; వెబ్‌పేజీకి పైన ఉన్న విండో ఫ్రేమ్‌పై చూడండి. మీ ప్రొఫైల్ చిహ్నం బబుల్‌ను క్లిక్ చేసి, జోడించండి లేదా ప్రొఫైల్‌ను మార్చండి అనే ఆప్షన్‌ను ఎంచుకోండి. మీ సంస్థ అందించిన ఈమెయిల్ అడ్రస్‌తో సైన్-ఇన్ చేయండి.

(ఈ అదనపు దశ మీ సంస్థ‌కు సంబంధించిన వర్క్ కోసం ప్రత్యేక విండోను క్రియేట్ చేస్తుంది.)

2. మీ డిజిటల్ Workspaceను నావిగేట్ చేయండి

మీ పేజీకి ఎగువ కుడి మూలన, Google యాప్‌ల లాంచర్ను కనుగొనండి; ఇది తొమ్మిది చిన్న చుక్కల గ్రిడ్ లాగా కనిపించే చిహ్నం. మీ ప్రధాన టూల్ డ్రాప్‌డౌన్‌ను ఓపెన్ చేయడానికి దాన్ని క్లిక్ చేయండి.

Google టూల్స్ ఎక్కడెక్కడ ఉన్నాయో తెలుసుకోవడానికి వాటిని ఒక్కొక్కటిగా క్లిక్ చేద్దాం:

Docs (మీ డిజిటల్ నోట్‌బుక్), Sheets (మీ డిజిటల్ అటెండన్స్, మార్కుల రిజిస్టర్), Slides (మీ డిజిటల్ బ్లాక్‌బోర్డ్) గురించి తెలుసుకోవడానికి వాటి చిహ్నాలపై క్లిక్ చేయండి.

మీరు Calendar, Chat, Meet, Classroom, Forms వంటి ఇతర టూల్స్‌ను కూడా అన్వేషించవచ్చు!

ఏ సమయంలోనైనా మీ అధికారిక నోటీసు ఇన్‌బాక్స్‌ను చూడటానికి తొమ్మిది చుక్కలకు తిరిగి వెళ్లి, Gmail ను తెరవండి.

స్మార్ట్‌ఫోన్/టాబ్లెట్ కోసం:

1. మీ ఖాతాకు లాగిన్ చేయండి

Gmail యాప్‌ను తెరవండి. ఎగువ కుడి మూలన ఉన్న ప్రొఫైల్ చిహ్నాన్ని ట్యాప్ చేసి, మీ వ్యక్తిగత లేదా సంస్థ ఈమెయిల్ అడ్రస్, పాస్‌వర్డ్‌తో సైన్-ఇన్ చేయడానికి "మరొక ఖాతాను జోడించండి" అనే ఆప్షన్‌ను ఎంచుకోండి.

Google Workspace ఖాతాకు సంబంధించి అదనపు దశ: ఖాతాలను మార్చడం

మీ వ్యక్తిగత, సంస్థ ఖాతాల మధ్య త్వరగా మారడానికి ఏదైనా Google యాప్ ఎగువ కుడి మూలన మీ ప్రొఫైల్ చిహ్నాన్ని ట్యాప్ చేయండి.

2. మీ డిజిటల్ Workspaceను నావిగేట్ చేయండి

మీ యాప్ మెనూ నుండి నేరుగా ఆయా యాప్‌ల చిహ్నాలను (Drive, Docs, Sheets, Classroom మొదలైనవి) క్లిక్ చేయడం ద్వారా వాటిని యాక్సెస్ చేయండి.

ప్రాక్టీస్ పూర్తయింది! ఇక రిలాక్స్ అవ్వొచ్చు. మీ డిజిటల్ వర్క్‌స్పేస్ అధికారికంగా సెటప్ అయింది, చక్కగా ఆర్గనైజ్ అయ్యి మీ కోసం సిద్ధంగా ఉంది!

ఆలోచించండి

మీకు ఇప్పుడు ఎలా అనిపిస్తోంది?

పేపర్ నుండి డిజిటల్ స్పేస్‌కు మారడం గురించి ఆలోచించండి. మీ రోజువారీ పని ఇకపై ఎంత సులభం కాబోతుందో ఆలోచించినప్పుడు. మీకు ఉపశమనం, ఉత్సాహం లేదా ఆసక్తి కులుగుతోంది కదా!