Google Workspace for Education Fundamentals-н үндсэн ашиглалт

Google Workspace for Education-д багтсан олон төрлийн хэрэгслүүдтэй танилцаж эхлээрэй.

Энэ хэсэгт та Google Workspace for Education-г ашиглан дижитал ангиа хэрхэн цэгцлэх талаар суралцсанаар дижитал ур чадвараа хөгжүүлж, улмаар хамгийн чухал зүйл болох суралцагчдадаа хичээл заахад бүрэн төвлөрөх боломжтой болно. Та Драйв, Докс, Маягт, Хүснэгт зэрэг Google-н хэрэгслүүдийг ашиглан хичээлийн материалаа хуваалцаж, суралцагчидтайгаа илүү үр дүнтэй хамтран ажиллах боломжтой. Түүнчлэн Google Workspace for Education-г ашиглан сургалтын материалаа дижитал хэлбэрээр удирдсанаар та хичээлийн жилийн турш бүх зүйлээ эмх цэгцтэй байлгах боломжтой.

Багш хүний хамгийн чухал үүргүүдийн нэг бол бусадтай харилцах явдал юм. Энэ хэсэгт та Gmail, Chat, Sites, Meet-н харилцаа холбооны хүчирхэг боломжуудын талаар суралцах болно. Эдгээр аппликейшны тусламжтайгаар та суралцагч, асран хамгаалагч болон ажилтнуудтай хялбар, үр дүнтэй харилцах боломжтой. Gmail ашиглан чухал имэйлүүдээ эрэмбэлээрэй. Google Meet ашиглан виртуал хичээлээ бодит цагаар заах эсвэл хичээлийн дараа асран хамгаалагчидтай хийх виртуал уулзалтын хуваарь гаргаарай. Sites-г ашиглан суралцагчидтайгаа хялбархан хамтран ажиллаж, мэдээлэл хуваалцах боломжтой.

Энэ хэсэгт та Gemini, Google Календарь, Tasks болон Keep-н тусламжтайгаар ажлын өдрийн хязгаарлагдмал цагаа хэрхэн үр дүнтэй ашиглах талаар суралцах болно. Эдгээр хэрэгсэл нь таны бүтээмжийг нэмэгдүүлж, цагаа үр дүнтэй удирдахад тусална. Энэ бүлэгт өөр курсийн хичээл багтсан болно. Бүтэн курсийг үзэхийн тулд Google for Education-н Сургалтын төвөөс “K12-н боловсролд Google-н ХОУ-ыг ашиглаж эхлэх” гэсэн хичээлийг хайж үзнэ үү.

Энэ хэсэгт та Google Classroom-г ашиглан сургалтын нөөц бүрдүүлэх, суралцагчийн ажлыг удирдах талаар суралцах болно. Та Classroom-г ашиглан нэг дороос анги үүсгэх; суралцагчдад даалгавар оноох, дүн тавих, хурааж авах; сургалтын материал бэлтгэж хуваалцах; мөн санал хүсэлт өгөх, хүлээн авах боломжтой. Энэ бүлэгт өөр курсийн хичээл багтсан болно. Бүтэн курсийг үзэхийн тулд Google for Education-н Сургалтын төвөөс “K12-н боловсролд Google-н ХОУ-ыг ашиглаж эхлэх” гэсэн хичээлийг хайж үзнэ үү.

Багшлах үйл ажиллагааны хамгийн түгээмэл зорилгуудын нэг бол суралцагчдыг хөгжүүлж, сурах арга барилаа сайжруулахад нь туслах явдал юм. Багш нар суралцагчийн ахиц дэвшлийг үнэлэх, заах арга барил нь суралцагчдад хэр үр өгөөжтэй байгааг хянах зорилгоор суралцагч, асран хамгаалагч болон бусад багшаас тогтмол мэдээлэл цуглуулдаг. Гэвч эдгээр өгөгдлийг бүртгэж, тайлагнах нь цаг их шаардсан ажил байж болох юм. Энэ хэсэгт та суралцагчийн ахиц дэвшлийг үнэлэхдээ цаг хугацаа хэмнэх, үр ашгийг нэмэгдүүлэх хэрэгслүүдийг хэрхэн ашиглах талаар суралцах болно. Google-н хэрэгслүүд нь таны одоогийн ажлын урсгалыг давхардуулахгүйгээр, хадгалах болон шинжлэх боломжтой суралцагчийн нэмэлт өгөгдлүүдийг цуглуулж чадна. Эдгээрт ирц, холбоо барих мэдээлэл, зан төлөвийн тайлан, асран хамгаалагчтай харилцсан тэмдэглэл болон суралцагчийн өөрийнх нь гүйцэтгэсэн ажлын жишээнүүд багтана.

Манай хичээлийн төгсгөлийн үнэлгээг давснаар Сурган хүмүүжүүлэгчийн чухал зүйлсийг дуусгана уу.

Манай санал хүсэлтийн судалгаанд энэ хичээлийн талаар ямар бодолтой байгаагаа бидэнд хэлнэ үү.